Sistemi i ngrohjes qendrore mund të ndahet në 3 zona:

Zona e boilerit me biomasë

Kjo zonë përbëhet kryesisht nga:

• 1 boiler me furnizim automatik të ajrit
• 1 pompë qarkulluese dyshe me efikasitet të lartë
• 1 valvul moduluese me tre rrugë me njësi kontrolli për të parandaluar ujin me një vlerë temperature shumë të ulët për kthimin në boiler
• Kontrolli, shpërndarja dhe pajisja e sigurisë
• 1 njësi ngarkimi me valvul reduktimi presioni dhe parandalues të kthimit të rrjedhës
• Pajisjet e trajtimit të ujit (separatori i papastërtive dhe deajruesi) për mbrojtjen e gjeneratorëve dhe më përgjithësisht, gjithë komponentët e sistemit të mbyllur

Zona e depozitës inerciale me shpërndarje të mediumit ngrohës

Kjo zonë përbëhet kryesisht nga:

• 1 depozitë
• 1 pompë qarkulluese dyshe me efikasitet të lartë
• 1 valvul rregulluese me tre rrugë me kontrollues klimatik
• Pajisje kontrolli dhe mbyllëse

Mund të ndodhin tre situata të zakonshme funksionale:

• Boileri me biomasë i ndezur dhe qarkulluesi i shpërndarjes i fikur: nxehtësia e prodhuar nga boileri me dru e sjell depozitën e ujit në temperaturën e duhur;
• Boileri me biomasë i ndezur dhe qarkulluesi i shpërndarjes i ndezur: nxehtësia e prodhuar nga boileri me dru i përcillet sistemit të shpërndarjes;
• Boileri me biomasë i fikur dhe qarkulluesi i shpërndarjes i ndezur: sistemi i shpërndarjes përdor nxehtësinë e ruajtur paraprakisht në depozitën e ujit.

Temperatura e ujit të furnizuar tek radiatorët mund të rregullohet me një kurbë klimatike.

Konfigurimi mund të bëhet gjithashtu në sisteme mesatare-të mëdha, në këtë rast duhet të instalohen pajisje për sistemet me enë të mbyllura.

Prodhimi i ujit të ngrohtë shtëpiak dhe zona shpërndarëse

Kjo zonë përbëhet kryesisht nga:

• 1 depozitë, me sipërfaqe shkëmbimi me nxehtësi të lartë, për prodhimin dhe depozitimin e ujit të nxehtë shtëpiak
• 1 pompë qarkulluese dyshe me efikasitet të lartë
• Mekanizma dhe pajisje për rregullimin dhe furnizimin me ujë të nxehtë shtëpiak për përdorues të ndryshëm

Prodhimi i ujit të nxehtë shtëpiak kontrollohet nga një termostat që aktivizon ose çaktivizon qarkullimin e medmiumit nxehës përmes shkëmbyesit të nxehtësisë së depozitës.
Nëse nevojitet, ose nëse kërkohet nga legjislacioni në fuqi, sistemi duhet të pajisjet me një sistem trajtimi specifik për ngrohjen e ujit shtëpiak, në raport me fortësinë e ujit dhe vlerat e projektuara të konsumit.
 

Shënim:
Kontrolli, shpërndarja dhe pajisja e sigurisë duhet të kenë përmasat e duhura për të reflektuar kapacitetin ngrohës dhe karakteristikat specifike të sistemit, në përputhje me legjislacionin dhe rregulloret në fuqi.