Sistemi mund të ndahet në 4 zona:
Zona e qarkut të sondës gjeotermike
Kjo zonë përbëhet kryesisht nga:
- Sonda gjeotermike të llojit me 2 tuba
- Kolektori shpërndarës për sondat gjeotermike me pajisje për mbylljen dhe balancimin e secilës sondë
- Pompë qarkulluese me efikasitet të lartë
- Kontrolli, shpërndarja dhe pajisja e sigurisë
- Deajruesi i mediumit termik/separatori i papastërtive
Qarku duhet të mbushet me ujë dhe çdo aditivë të nevojshëm (antifrizi, produktet mbrojtëse dhe kundër algave) në raport me karakteristikat specifike të ujit të përdorur dhe kërkesave të sistemit.
Zona e pompës së ngrohjes ujë/ujë
Përbëhet kryesisht nga 1 pompë ngrohjeje e llojit ujë/ujë, dhe është e pajisur me komponentët e mëposhtëm:
- Kontrolli, shpërndarja dhe pajisja e sigurisë
- Pompë qarkullimi me efikasitet të lartë për sistemin ngrohës/ftohës
- Pompë qarkullimi me efikasitet të latë për sistemin e prodhimit të ujit të nxehtë shtëpiak
- Përzgjedhësi i modalitetit verë/dimër
- Njësia e ngarkimit
Zona e sistemit
Kjo zonë përbëhet kryesisht nga:
- Njësitë rregulluese për panelet, llojin e by-pass-it dhe paketat e shpërndarjes së mediumit kryesor për radiatorët
- Emetuesit e nxehtësisë: panelet rrezatuese, radiatorët dhe fankoilët
- Tabela e dehumidifikimit
Modaliteti i punës së dimrit ose verës aktivizohet duke përdorur përzgjedhësin përkatës të pompës së ngrohjes.
Prodhimi i ujit të ngrohtë shtëpiak dhe zona shpërndarëse
Prodhimi i ujit të nxehtë shtëpiak bëhet në depozitën përkatëse me mediumin nxehës që dërgohet direkt nga pompa e ngrohjes.
Sistemi i parashikuar i shpërndarjes nuk ka riqarkullim dhe është i pajisur me një valvul përzierëse termostatike.
Gjithashtu, në rastin e vlerave të larta të fortësisë së ujit ose nëse kërkohet nga legjislacioni në fuqi apo nga prodhuesi i boilerit, duhet të instalohet një sistem specifik për trajtimin e ujit.
Shënim:
Sistemi duhet të krijohet duke ndjekur rregulloret dhe specifikimet përkatëse.
