Në mars të 2014 kemi rinovuar plotësisht faqen tonë të internetit, si dizajnin ashtu edhe strukturën në tërësi. Nga teknologjia disi e vjetëruar kaluam në platformën moderne dhe më fleksibël, që na mundëson harmonizimin e përmbajtjeve për shtete të ndryshme si dhe ruajtjen e një numri sa më të madh të informatave në bazën e rinovuar të të dhënave, e cila po ashtu shërben për projektet, që nuk janë pjesë e platformës.

Për realizimin e ideve tona ju drejtuam tre agjencive më të mira italiane në fushën e komunikacionit dixhital,  H-ART, Twinbit dhe MOCA Interactive. Të gjithë të përfshirët në këtë projekt bashkëpunuan ngushtë me njëri-tjetrin, ndërsa ne ishim ata, që shijuam rezultatin, me te cilin jemi jashtzakonisht të kënaqur. Imazhi i ri ofron përmbajtje të reja dhe pikërisht për këtë arsye do të ndryshojnë disi edhe mënyrat e të kërkuarit nga klientët tanë nëpër faqen tonë të internetit. Këtu do të dëshironim që t’i qetësonim të gjithë vizitorët tanë, sepse ne kemi përmirësuar përvojën përdoruese, por nuk kemi zvogëluar përmbajtjet e dokumentacionit teknik të produkteve tona. Shkurtimisht do të donim t’jua shpjegonim se si ja arritëm këtë.

Cilat janë ndryshimet?

Grafiku shpreh linjën e re të komunikacionit, që bazohet në sloganin ”Njerëzit krijojnë vlerën“. Gjithashtu ai bazohet edhe në pesë vlera, të cilat janë prej kohësh tipare dalluese të kompanisë sonë: kujdesje për klientët, vizion largpamës, besimi në zhvillim, gatishmëria për të kontribuar në profesion dhe sinergji me kliendët tanë. Pjesën më kryesore të faqes sonë të internetit padyshim e prezantojnë katallogu online dhe përmbajtja e ofruar e gjithë njohurive dhe përvojave të kompanisë sonë.

Kemi bërë më të thjeshtë navigacionin dhe i kemi dhënë përparësi rëndësisë së kërkuesit: bëhet fjalë për elementin kryesor të faqes së internetit, i cili duhet t’i lehtësojë përdoruesit kërkimin e produktit dhe dokumentacionin përkatës, në mënyrë sa më të thjeshtë e të shpejtë.

Përdoruesi ka tashmë në dispozicion kërkues të ri për dokumentacionin teknik: i gjithë dokumentacioni është në dispozicion falas, atë e gjeni me anë të kërkimit të fjalës kyçe, kodit të produktit, gjuhës apo llojit, çka garanton  një sërë më të plotë të informatave, si për klientët tanë ashtu edhe për përdoruesit e tjerë. Këtu do të mund të gjeni kështu manualin e Caleffit, revistën e Idraulica, diagramet tona dhe publikime të tjera teknike. Rinovimi i faqes së internetit erdhi edhe si rezultat i dëshirës sonë për përmirësimin e autentitetit tonë në kërkuesit e rrjetit të internetit. Teknologjia Drupal është kështu zgjidhje reale për vënien në funksion të aktiviteteve, qëllimi i së cilave është SEO (optimizimi i faqeve të internetit) aq më tepër kur ajo mbikëqyret nga agjencia e specializuar në këtë fushë. Po çfarë është Drupal-i? Drupal është mjet, i cili menaxhimin me përmbajtjet në faqet e internetit ja mundëson edhe personave, që nuk kanë njohuri të veçantë në fushën e teknologjive informative. Bëhet fjalë për një platformë pa kode, e cila i mundëson përdoruesit drejtim të thjeshtë e të shpejtë dhe menaxhim me informata.

Faqen e internetit, që në radhë të parë i përkushtohet vizitorëve, që vijnë tek ajo përmes kompjuterëve, e kemi krijuar qëllimisht. Gjithsesi kemi zhvilluar edhe versionin për ”telefona e mençur“, të cilët i mundësojnë përdoruesit kërkim të shpejtë dhe të thjeshtë të informacioneve të dëshiruara direkt në terren, p.sh. në kantierin e punës.

Kush janë partnerët tanë?

H-ART, agjencia për tregtim dhe komunikacion, e themeluar në vitin 2005 në kuadër të inkubatorit H-FARM, në vitin 2009 atë e bleu WPP. Vitet e fundit atë e karakterizon (më shumë se 20 përqind) rritja e parreshtur në nivelin mesvjetor si dhe të ardhurat, që kalojnë mbi 16 milion Euro. Asaj ja kanë besuar vizionin e tyre markat tregtare me famë botërore, siç janë American Express, Diesel, Fendi, Heineken, Intesa Sanpaolo, Nike, Telecom Italia, Toyota dhe Versace.

Twinbit, është kompani për këshillime dixhitale, e themeluar në vitin 2011, momentalisht njëra nga kompanitë italiane lider në përkujdesjen me Drupal, zgjidhje dhe partner i zgjedhur i Acquaia-s në tregun italian. Acquaia është kompani e themeluar nga Dries Buytaert, i cili po ashtu themeloi Drupal-in dhe është lider në fushën e mbështetjes së shërbimeve të zhvillimit. Lexoni se çfarë kanë shkruar rreth nesh në bllogun e tyre.

MOCA Interactive, agjenci e specializuar në fushën e tregtimit dhe optimizimit të faqes së internetit, e cila zhvillohet në harmoni me dinamikën më të re, për të garantuar kështu dukshmërinë e faqeve të internetit.