MCE 2016: Ne jemi gati
Në stendën e Caleffti, jo vetëm produkte por edhe vetë kompania me gjithcka ajo përfshin - vlera të qëndrueshme, aspirata të larta, njerëz të vërtetë.
Përgjim në prapaskenë
Projektuar nga arkitektja Giorgia Giordano e Kibox, stenda e Caleffit në MCE 2016 nuk do të vërë në dukje vetem produktet tona, por në të vërtetë do të ketë mundësinë të paraqesë Caleffin si kompani - me gjithçka ajo përfshin - vlera të qëndrueshme, aspirata të larta, njerëz të vërtetë dhe vendet ku ne arrijmë t’ja dalim mbanë në punën tonë.
Një shikim i përciptë së shpejti do ti tregojë gjithkujt se sa afër zemrës së Caleffit është prodhimi italian. Ngjyrat mbizotëruese janë e bardha, e kuqja dhe jeshilja: një zgjedhje kjo e qëllimshme dhe strategjike që paraqet flamurin italian. E çfarë tjetër mund të shprehë më mirë krenarinë e thellë të Caleffit mbi talentin e kombit të tij? Është pikërisht kjo bindja që e ka shoqëruar kompanine ne këto 55 vjet.
Stenda është e përbërë nga tri hapësira kryesore, ku secila prej tyre përcjell një ide të caktuar arkitektonike dhe simbolike:
- ZONA E PRODHIMIT: PRODHIMI
Pjerrësia industriale dhe materialet teknike tregojnë qartë se sa shumë identifikohemi me sektorin italian të inxhinierisë - një zonë e cila është zhvilluar me shpejtësi dhe ka arritur të përhapet në nivel ndërkombëtar, duke mos e tradhëtuar asnjëherë elegancën e brendshme të rrënjëve të saj tradicionale. Bërthama e prodhimit nuk ka ndryshuar, por sidoqoftë ne kemi arritur të përparojmë në tregjet botërore me hapa gjigante duke zgjeruar kështu ofertën tonë të pjesëve përbërëse për ngrohje dhe sistemet hidroteknike e duke u kujdesur që të kemi një treg vazhdimisht në evolim.
Pjesa e sipërme e stendës, e shtrirë në mbi 300 metra katrorë të zonës së produktit, është hartuar në mënyrë të tillë që ti lërë mbresa spektatorit me pamjen e saj madhështore. Është krenaria e stendës së Caleffit - përcaktimi i thelbit të saj dhe tërheqja e vëmendjes për ekspozitën e mëposhtme. Në një nivel komunikativ, është objekti skenik që përfaqëson zonën e produktit me ikonën e saj të zmadhuar.
- CUBOROSSO : RISI DHE KUALIFIKIM
Kjo është risia më e madhe në ngritjen e standës tonë në MCE 2016. Po të flasim nga ana operative, KUBI i KUQ është zemra në rrahje e cila ka derdhur produkte të reja dhe projekte inovative për gati një dekadë tashmë. Caleffi ka vendosur që ta sjellë me vete në panair dhe ta paraqesë në një mënyrë gjeniale: duke shfrytëzuar fuqinë e komunikimit dixhital dhe duke e kthyer atë në një eksperiencë emocionuese që flet për cilësinë e kompanisë dhe investimet e saj të vazhdueshme në kerkime studimore dhe në zhvillim.
Nga pikëpamja arkitektonike, kubi është një pikë e goditur referimi dhe bërthama e gjithë stendës, duke vepruar si një timon shpërndarës nga i cili varen në mënyrë gjeometrike njësitë e tjera.
Nga pikëpamja ideologjike, ai përshkruan Caleffin si një kompani - jo vetëm nga pikëpamja strukturore, por në mënyrë të veçantë si një portretizim i vlerave të saj tradicionale dhe përmbajtjes humane.
- ZONA E MIKPRITJES: KUJDESI NDAJ KLIENTIT
Vëmendja për mysafirët tanë dhe dëshira jonë për të ndërtuar një frymë skuadre shprehet në mënyrë të përkryer në këtë zonë mikpritëse e cila është mobiluar me materiale të ngrohta dhe të rehatshme. Ne duam që ky të jetë një moment i këndshëm, intensiv por njëherazi edhe i qetë - një vend i veçantë që ofron intimitet dhe kontakt në harmoni. Një surprizë që ne nuk do ta zbulojmë ende!
