Grupi CALEFFI po zgjerohet: suksesi është i përbashkët

Grupi Caleffi e mbyll vitin 2021 me një arritje të jashtëzakonshme të ardhurat e konsoliduara prej 426 milionë euro shënojnë një sukses të madh. Suksesi është i përbashkët.

Shoqëria është rritur me 34% krahasuar me vitin 2020, duke shënuar një zhvillim të rëndësishëm jo vetëm në tregun italian por edhe në tregjet e huaja.

63% të shitjeve janë jashtë vendit ndërsa 37% në Itali.  Kjo tregon se shoqëria jonë është e angazhuar drejt ndërkombëtarizimit dhe se nga ana tjetër fokusohet edhe në tregun e brendshëm.
Kanë kaluar dyzet vjet që kur u hap dega e parë në Gjermani. Tashmë Caleffi ka 10 degë, 7 zyra përfaqësuese dhe agjenci, të cilat ofrojnë shërbime në më shumë se në 90 shtete. Numri i punonjësve tanë po rritet vazhdimisht. Prodhimi është ende i bazuar në Itali, në katër fabrika strategjike.

Për të vazhduar rritjen dhe zhvillimin e qëndrueshëm, ne kemi vendosur të investojmë më tej në degët tona të huaja. 
Si rezultat, dega në SHBA tani ka dy herë më shumë hapësirë për zyra dhe po shqyrton të zgjerojë hapësirën e magazinës së saj. Është rinovuar objekti historik në Porto i degës në Portugali për të rritur efikasitetin e saj, ndërsa degët në Holandë, Turqi dhe Mbretëri të Bashkuar kanë rritur përdorimin e hapësirës dhe kanë modernizuar objektet e tyre.
Po punojmë edhe për projekte më të mëdha, si ato në Gjermani dhe Poloni: do të hapim dy zyra të reja në Frankfurt dhe Krakov, të cilat duhet të përfundojnë deri në vitin 2023.

Gjithashtu, jemi duke rinovuar objektet tona të prodhimit në Itali: Po zgjerohet hapësira e Caleffi 3, fabrika Gattico-Veruno. Zgjerimi i hapësirës ishte shumë i nevojshëm për ne, pasi do të na lejojë të përballojmë rritjen e volumeve të shitjeve dhe të ndjekim zhvillimet më të fundit të teknologjisë.

Këto investime kanë për qëllim përmirësimin e performancës sonë dhe arritjen e një avantazhi konkurrues që do të na shërbejë të gjithëve në periudhën afatmesme dhe afatgjatë.
Kjo është arsyeja pse ne dëshirojmë ta ndajmë këtë lajm me ju, pasi jemi krenarë për atë që përfaqëson shoqëria jonë tashmë.