Sistemi është i përbërë kryesisht nga një qark i mbyllur që përfshin:
- Pompë e ndarë ngrohjeje
- Pajisjet e trajtimit të ujit (separatori i papastërtive dhe deajruesi) për mbrojtjen e gjeneratorëve dhe më përgjithësisht, gjithë komponentët e sistemit
- Valvul devijuese për prodhimin me përparësi të ujit të nxehtë shtëpiak
- Depozita inerciale për të garantuar një vëllim minimal
- Valvula by-pass për garantimin e një shpejtësie minimale të rrjedhës
- Njësi ngarkimi sistemi me valvul reduktimi presioni dhe parandalues të kthimit të rrjedhës
- Sistem ngrohjeje dhe ftohjeje
Zgjidhja është e përshtatshme për sisteme të vogla, ku qarkulluesit për pompën e ngrohjes mund të furnizojnë drejtpërdrejt sistemin e ngrohjes dhe ftohjes.
Janë të mundshme modalitetet e mëposhtme të punës:
- Prodhimi me përparësi i ujit të nxehtë shtëpiak (DHW)
- Ngrohja, ftohja dhe cikli i shkrirjes
Valvula by-pass garanton shpejtësinë minimale të rrjedhës që nevojitet për pompën e ngrohjes, nëse shpejtësia e rrjedhës reduktohet si rrjedhojë e rregullimit individual të temperaturës në secilën dhomë, dhe i mundëson pompës së ngrohjes të kryejë një cikël shkrirjeje edhe nëse nuk është bërë një kërkesë për ngrohje ose ftohje.
Shënim: Kontrolli, shpërndarja dhe pajisja e sigurisë duhet të përshtaten sipas kapacitetit ngrohës dhe karakteristikave specifike të sistemit, në përputhje me legjislacionin në fuqi. Lidhjet elektrike duhet të vlerësohen së bashku me organizatat përkatëse për të garantuar respektimin e kërkesave operacionale dhe rregullatore. Konfigurimi mund të përdoret edhe në versionin me pompë ngrohjeje monobllok, duke shtuar valvulat antifriz në tubin e jashtëm.
