Sistemi është i përbërë nga një qark i mbyllur që përfshin:
- Pompë ngrohjeje monobllok
- Pajisjet antifriz për mbrojtjen e pompës së ngrohjes
- Pajisjet e trajtimit të ujit (filtri i separatorit të papastërtive dhe deajruesi me efikasitet të lartë) për mbrojtjen e pompës së ngrohjes dhe më përgjithësisht, gjithë komponentët e sistemit
- Valvul devijuese për prodhimin me përparësi të ujit të nxehtë shtëpiak
- Depozitë inerciale për të garantuar një vëllim minimal uji për funksionimin e duhur të pompës së ngrohjes
- Valvul by-pass për garantimin e një shpejtësie minimale të rrjedhës
- Njësi ngarkimi sistemi e pajisur me valvul reduktimi presioni dhe parandalues të kthimit të rrjedhës
- Sistem emetimi me fankoil për ngrohje dhe ftohje
Zgjidhja është e përshtatshme për sisteme të vogla, ku qarkulluesi për pompën e ngrohjes mund të furnizojë drejtpërdrejt sistemin e ngrohjes dhe ftohjes.
Sistemi mund të punojë me modalitetet e mëposhtme të punës:
- Prodhimi me përparësi i ujit të nxehtë shtëpiak (DHW)
- Ngrohja, ftohja dhe cikli i shkrirjes
Valvula by-pass garanton shpejtësinë minimale të rrjedhës që nevojitet për funksionimin e duhur të pompës së ngrohjes, nëse shpejtësia e rrjedhës reduktohet si rrjedhojë e rregullimit individual të temperaturës në secilën dhomë, dhe i mundëson pompës së ngrohjes të kryejë një cikël shkrirjeje edhe nëse nuk është bërë një kërkesë për ngrohje ose ftohje.
Shënim: Kontrolli, shpërndarja dhe pajisja e sigurisë duhet të përshtaten sipas kapacitetit ngrohës dhe karakteristikave specifike të sistemit, në përputhje me legjislacionin në fuqi. Lidhjet elektrike duhet të vlerësohen së bashku me organizatat përkatëse për të garantuar respektimin e kërkesave operacionale dhe rregullatore. Konfigurimi mund të përdoret edhe në versionin me pompë ngrohjeje të ndarë, duke hequr valvulat antifriz.
