Caleffi Armaturen GmbH го отвора своето ново седиште во Германија
Со задоволство објавуваме дека на 29 октомври 2025 година, беше официјално отворено нашето ново германско седиште во Милхајм. Ова претставува важна пресвртница во историјата на нашиот бренд во Германија, токму на локацијата избрана од Francesco Caleffi да биде домаќин на првата подружница на Групацијата. Новата зграда претставува одлучувачки чекор кон иднината – место каде што имаме за цел да ги направиме иновациите опипливи, да го споделиме нашето знаење и да ја направиме хидрауликата уште подостапна тема.
„Со новото седиште, ние не само што создаваме најдобри работни услови за нашиот тим, туку и идеална средина за поттикнување директна размена со нашите партнери, клиенти и специјалисти во индустријата,“ изјави Harald Sauseng, генерален директор на Caleffi Германија.
Гледајќи кон иднината со оптимизам, Маrko Caleffi, сопственик и претседател на Caleffi Group, додаде:
„Германија е клучен пазар за нас – не само поради нејзината големина, туку и поради високите барања на земјата кога станува збор за квалитетот и иновациите. Новите канцеларии се дизајнирани да нè доближат до нашите партнери и клиенти за да можеме уште побрзо да одговориме на нивните потреби, со пофлексибилен и поличен пристап. Оваа инвестиција е јасна посветеност на нашата долгорочна стратегија и на важноста на германскиот пазар за Caleffi Group.“
Оваа инаугурација претставува многу повеќе од отворање на нова зграда – таа е фундаментален чекор на нашето патување и опиплива посветеност за активно обликување на иднината на нашата индустрија. Тоа покажува дека кога комбинираме глобална визија со локални корени, и иновации со традиција, можеме навистина да изградиме нешто големо, трајно и значајно.
