01 March 2018

Produktet e përzgjedhura të Caleffi për titullin "Percorso Efficienza e Innovazione" në MCE 2018

3 produkte të Caleffi të përzgjedhura për "Percorso Efficienza e Innovazione" (Efikasiteti dhe Inovacioni) në MCE 2018: DYNAMICAL®, DISCALSLIM® dhe LEGIOMIX®..

Një format i ri këtë vit për këtë iniciativë.

Kjo iniciativë gjithmonë ka pasur synimin që të vërë në pah produkte dhe zgjidhje nga kompanitë ekspozuese të cilat kanë normën më të lartë të inovacionit, jo vetëm në aspektin teknik, dhe për herë të parë këtë vit do të adresojë publikun e gjerë përtej kufijve të panairit me anë të një formati më të detajuar dhe më të kuptueshëm. “Percorso” në fakt, do të jetë i lidhur në mënyrë interaktive me eventin MCE në qytet në Piazza Gae Aulenti, duke u mundësuar kështu vizitorëve që të lidhen përmes instalimeve interaktive me tematikën tronditëse të shpërdorimit të rezervave natyrore në jetën tonë të përditshme: të shpërdorimit të ujit, të energjisë elektrike, reflektime mbi burimet e tyre, si dhe mbi cilësinë e ajrit që frymëjmë, me qëllim të promovimit të një stili jetësor më të qëndrueshëm.

Në këtë mënyrë Massimiliano Pierini, drejtor menaxhimi i “Reed Exhibitions Italia”, në njoftimin zyrtar për shtyp thotë: "Formati i ri i “Percorso Efficienza & Innovazione” ka lindur me një qëllim të dyfishtë. Nga njëra anë të vazhdojë të lehtësojë punën e operatorëve profesionistë në kërkimin e risive më të rëndësishme teknologjike të pranishme në panair dhe nga ana tjetër të  afrohet më shumë me ndjeshmërinë rreth çështjeve të efikasitetit dhe kursimit të një publiku të gjerë gjithnjë e më të vëmendshëm ndaj komoditetit të jetesës së përditshme. Një mënyrë kjo për të afruar inovacionin me njohuritë aktuale, në mënyrë që të lehtësohet përballja me teknikët të cilët pastaj do të mbështesin zgjedhjet në shtëpitë e gjithësecilit prej nesh".

77 ekselencat në çështjet efikasitetit energjetik të përzgjedhura në mesin e kandidaturave të lira nga Politekniku i Milanos, do të jenë të konsultueshme përmes një baze të dhënash në internet, përpara, gjatë dhe pas eventit. Gjithashtu do të jetë e ekspozuar dhe shpërndarë nëpër stenda gjatë panairit.

Të tre produktet e propozuara këtë vit nga Caleffi kanë arritur të përzgjidhen, një rezultat  ky për të cilin ndihemi krenar.

Produktet e përzgjedhura për këtë rrugëtim do të përfshihen gjithashtu në modelin BIM të një vile në të cilën banojnë dy familje, nën kujdesin e Departamentit ABC i Politeknikut të Milanos. Së pari ky model do të jetë i disponueshëm në zonën “MEP BIM Forum” të MCE 2018 (Pavijoni 2) për të gjithë vizitorët e panairit të cilët do kenë mundësinë të ndërveprojnë me modelin dhe të përjetojnë nga afër potencialin e teknologjisë BIM. Më pas modeli do jepet në një version video në kanalet dixhitale të “Mostra Convegno Expocomfort”.